اللہ تعالی نے اِس دنیا کو بے حد خوبصورت بنایا ہے۔ جس کے چند مقامات ایسے بھی ہیں جو دیکھنے والے دیکھتے ہی رہ جاتے ہیں۔ زمین میں موجود پہاڑ، جنگلات، سمندر، صحرا اور میدانی علاقوں کی اپنی ہی خوبصورتی ہے۔ انہی خوبصورت مقامات میں سے ہم لائے ہیں آپ کے لیے پانچ انتہائی خوبصورت مقامات جو یقیناً ہماری طرح آپ کو بھی ضرور پسند آئیں گے۔
اگر اللہ نے آپ کو توفیق دی ہے یا آپ سیرو سیاحت کے شوقین ہیں تو اِن مقامات کو اپنی وزٹ لسٹ میں ضرور شامل کر لیں۔ اور جب بھی زندگی میں موقع ملا تو اِن مقامات کی خوبصورتی کا اپنی آنکھوں سے نظارہ ضرور کیجئے۔ تو آئیے شروع کرتے ہیں اپنا کاؤنٹ ڈاؤن۔
نوٹ: یہ پوسٹ نیچے ویڈیو کی شکل میں بھی دی گئی ہے جس میں ویڈیوز اور تصاویر کی شکل میں ان مقامات کو واضح کیا گیا ہے۔
5۔ آئرس راک آسٹریلیا
دنیا کی مشہور قدرتی نشانیوں میں سے ایک آسٹریلیا کا الورو ہے، جسے آئرس راک کے نام سے بھی جانا جاتا ہے۔ ریت سے بنا ہوا یہ پہاڑدنیاکی ایک انتہائی نمایاں قدرتی نشانی ہے جو سال اور دن کے مختلف اوقات میں اپنا رنگ تبدیل کرتا ہوا دیکھائی دیتا ہے۔ رنگ تبدیل کرنے کی وجہ سے ہی اسے شہرت ملی ہے۔
یہ پہاڑ صبح اور شام کے وقت سب سے زیادہ حسین دیکھائی دیتا ہے۔ یہ شاید دنیا کا وہ واحد مقام ہے جہاں پر آپ طلوع آفتاب اور غروبِ آفتاب کا حسین نظارہ دیکھ سکتے ہیں۔ آسٹریلیا کا سفر اولورو کو دیکھنے کے بغیر نامکمل سا لگتا ہے۔
4۔ کیوکن ہوف، ہالینڈ
کوکین ہوف، جسے گارڈن آف یورپ بھی کہا جاتا ہے، دنیا کے سب سے بڑے پھولوں کے باغات میں سے ایک ہے جو ہالینڈ کے شہر لیزی میں واقع ہے۔ یہ ٹولپ کے خوبصورت رنگ برنگے پھولوں کی وجہ سے مشہور ہے جس کو دیکھنے کے لیے دنیا کے طول وعرض سے لوگ کیوکن ہوف، ہالینڈ کا سفر کرتے ہیں۔
مارچ اور مئی کے وسط کے درمیان ٹولپ سیزن ہالینڈ پہنچتا ہے اور کیوکن ہوف شاید ان خوبصورت پھولوں کو جو اپنی پوری شان و شوکت کے ساتھ حسین رنگ بکھیرتے ہوئے نظر آتے ہیں اُن کو دیکھنے کے لئے دنیا بھر میں واحدجگہ ہے۔
آپ سال میں جب بھی کبھی سیر کے لیے جائیں تو یہ پھول پوری آب و تاب کے ساتھ آپ کو متاثر کرنے کے لیے کھلے ہوتے ہیں لیکن بہار کے موسم میں تو جدھر بھی نظر دوڑائیں آپ کو رنگ برنگے یہ خوش رنگ پھولوں کے کھیت ہی کھیت نظرآئیں گے۔
یہ بھی پڑھیں: انسانی قد کے برابر پروں والا ڈائنو سار دریافت
3۔ نیاگرا فالس، کینیڈا
کینیڈا اور امریکہ کے درمیان بین الاقوامی سرحد پر پھیلا ہوا، نیاگرا فالس تین آبشاروں کا ایک شاندار گروپ ہے۔ یہ دو سو سال سے زیادہ سیاحوں کی توجہ کا مرکز رہا ہے۔ نیاگرا فالس دنیا کا سب سے لمبا آبشار نہیں ہے۔ تاہم آبشار کی خوبصورتی، اونچائی اور پانی کا ایک نا قابلِ یقین حجم کے ساتھ گرنا واقعی میں ایک قابلِ دید نظارہ ہے۔
پانی کا شور، پانی کی بھوندوں کا آپ پر گرنا، اور سورج کی روشنی پڑنے پر قوسِ قزاح کا اپنے خوبصورت رنگ بکھیرنا انسانی دماغ کو ترو تازہ کر دیتا ہے۔ آپ اس آبشار کے پانی گرنے کی جگہ کے آس پاس کشتی پر جاسکتے ہیں بس اپنا کوٹ اور کیمرا ساتھ لینا مت بھولیں۔
2۔ سوالبارڈ، ناروے
سوالبارڈ جزائر کا ایک گروپ ہے جو ناروے کے بالکل شمال میں واقع ہے اور یہ وہ جگہ ہے جہاں آپ ارورا بوریلیس کو دیکھ سکتے ہیں۔ اورورا، وہ حیرت انگیز قدرتی روشنی ہے جسے بعض اوقات قطبی روشنی، شمالی روشنی یا جنوبی روشنی کے طور پر بھی جانا جاتا ہے۔
یہ زمین کے آسمان میں ایک قدرتی روشنی ہے، جو خاص طور پر اونچائی عرض البلد خطوں میں دیکھی جاتی ہے۔ جب مقناطیسی میدان کو شمسی ہوا متاثر کرتی ہے تو ارورا بنتا ہے خیر یہ سب پیچیدہ سائنس کی چیزیں ہے، لیکن یہ انتہا ئی شاندار اور متاثر کن جگہ ہے اور آپ اسے کبھی بھی فراموش نہیں کر پا ئیں گے۔
1۔ سن سیٹ بیچ، ہوائی
ہوائی جزیرے کے شمالی کنارے پر واقع پیپکیہ کا سن سیٹ بیچ ایک مشہور سرفنگ جگہ ہے جو اپنی بڑی بڑی لہروں کے سبب مشہور ہے۔سنہری ریت سے بھرپور اس بیچ کی لمبائی تقریباً دو میل ہے۔ جیسا کہ اس بیچ کے نام سے ظاہر ہے یہ بیچ غروب ِآفتاب کے وقت دلکش نظارہ پیش کرتی ہے۔
غروب ِ آفتاب کے وقت بیچ کی ریت، سمندر کا پانی اور سورج کی شعاؤں کا ایک ہی رنگ بن جاتا ہے جس کو دیکھنے کے لیے سیاحوں کی ایک کثیر تعداد دنیا بھر سے آتی ہے۔ یہ ایسا نظارہ ہے جو دیکھنے والے کو اپنے سحر میں مبتلا کر دیتا ہے۔
یہ بھی پڑھیں: منشیات اسمگلنگ کے 10 عجیب و غریب طریقے
ایک تبصرہ شائع کریں
ہم آپ کی قیمتی رائے کا شکریہ ادا کرتے ہیں۔ یہاں پر اپنی ویب سائٹس وغیرہ کا لنک شیئر کرنا منع ہے